Einhverra hluta vegna finnst ákaflega mörgu fólki sem ég ræði við, orðið "DJAMM" ekki vera að virka. Reynar finnst þessu fólki orðið "DJAMM" vera óhóflega glatað. Máli mínu til stuðnings vísa ég í ótal samræður við fólk svo og skriflega heimild hér.
Til að byrja með var ég mjög sammála þessu fólki og keypti "and-djamm" orðræðuna nokkurnvegin wholesale. En þá fóru að renna á mig tvær grímur. Hvað hefur "DJAMM" nokkurntíma gert mér? Er "DJAMM" ekki bara nokkuð gott orð?
Ég á góðar minningar um "DJAMM". Gullnar setningar eins og "Hann DJAMMAR MEÐ fólkinu" hafa gætt lífi mínu miklum hlátri.*
*(Haft eftir einhverjum mjög freðnum manni um einhvern skíta Ibiza-plötusnúð og framkomu hans gagnvart áheyrendum; lesist með fötu-þrykkingar-rödd.)
Í raun er það eina neikvæða, eða hlutlausa sem ég get sagt um djamm, að það minnir pínkulítið á þunglynt bílskúrsband sem fer að rífast yfir textasmíð, sultu eða jafnvel það að það má lesa "DJAMMA" sem DJ-Amma. Sem er ekki kúl.
Við skulum samt gera okkur grein fyrir því að "DJAMM" hlýtur alltaf að vera mun öflugara orð heldur en:
- "Tjútta" (sem hljómar annars vegar eins og "tútta" og hinsvegar eins og eitthvað glatað sem gömul manneskja myndi segja.)
- "Skralla" (sem hljómar eins og eitthvað sem mjög villuráfandi manneskja myndi gera og er of líkt því að "tralla" sem er glatað.)
- "Kíkjút", "Farúd", "tjekkút" (öll léleg og ambigous og hjóma eins og bæir í Kúrdistan.)
Í ljósi þess þó að almenn ósætti virðist ríkja meðal fólks um hvað kalla megi almenna skemmtun í landinu, ákvað ég því að reyna að finna eitthvað þjóðlegt en þjált og töff orð.
BJAMM!!!
Upphaflega varð mér hugsað til Íslendingasagnanna, en þar tóku menn oft ærlega á því. Kom þá að sjálfsögðu upp Bjarmalandsför Egils Skallagrímssonar. Mér datt í hug að stytta það í bjarm en það er að sjálfsögðu frekar lame, þar sem það hljómar eins og bjarmi eða jarm.
"BJAMM" aftur á móti er skothelt og því tilkynni ég stolltur að nýja orðið yfir að skemmta sér er, að "BJAMMA".
- "BJAMM", tengist Bjarmalandsför órjúfanlegum böndum.
- "BJAMM", hljómar sjúklega mikið eins og BAMM, sem er klárlega mjög svakalegt hljóð, sem kemur meðal annars þegar Batman lumbrar á illmennum.
- "BJAMM"felur í sér bj- líkt og í bjór
- "BJAMM"felur í sér skammstöfunina BJ, sem er mjögt crazy og kynferðislegt (þó að amma fylgi reyndar með, sem er frekar sóðalegt.)
- "BJAMM"hljómar mjög svipað og "djamm", sem ætti að gera það mjög notendavænt fyrir venjulegt fólk, sem hefur þannig séð ekkert á móti orðinu “djamm”.
BJÖMMUM saman fólk! BJÖMMUM inn í eilífðina!
|
