Arnaldur      Grétarsson

Eins og sumstaðar hefur komið fram, hef ég tekið upp á því að byrja daginn í líkamsræktarstöð á Seltjarnarnesi undanfarinn mánuð.

Á líkamsræktarstöðinni kemur saman ýmiskonar fólk, en einkum eru það járn-uppar sem eru áberandi svo snemma á morgnanna. Þessir járn-uppar eiga það sameiginlegt að gleðjast mikið yfir uppanum í sjálfum sér og það eina sem þeir ræða eru vísitölur, peninga og mismunandi sjampó og rakakrem.

Á ákveðnu tímabili eftir sturtu, þegar þeir eru að klæða sig í föt, kemur samt alltaf slúður-trúnó móment og þá verða járn-upparnir líkari ölvuðum skólastelpum í saumaklúbb.

Oft má heyra útundan sér ansi athyglisverð skúbb á þessi stigi og fannst mér því magnað að sjá þessa frétt í dag, tveimur og hálfri viku eftir að ég heyrði hana í búningsklefanum á Seltjarnarnesi.