Verslunarferð í Kringluna - Arnaldur Grétarsson

27.7.2009 | Verslunarferð í Kringluna

Laust eftir hádegi stendur tilvonandi viðskiptavinur við sölubás í Kringlunni. Maðurinn er í hægðum sínum að skoða hatta og er ákaflega rólegur og sjálfum sér nógur, enda nýverið lokið við ríkulegan hádegisverð. Starfsstúlkan í sölubásnum er djúpt sokkin í samtal við vinkonu sína og er að maula risastóra smáköku með súkkulaðibitum. Skyndilega tekur sölustúlkan eftir viðskiptavininum og finnst hún þurfa að bregðast við.

Sölustúlka: Já! Ehhh, get ég aðstoðað þig?

Viðskiptavinur: Ha? Nei, nei, ég er nú bara að skoða. Eða, jú annars. Áttu nokkuð þessa til í grænu?

Sölustúlkan horfir eitt augnablik á manninn, ræskir sig svo og snýr sér að vinkonu sinni og heldur áfram að tala.

Viðskiptavinur: Ehhh... hérna... hvað segirðu? Áttu hana til eða ekki?

Sölustúlkan lítur aftur á manninn og svo á vinkonu sína, hálf ráðvillt. Á endanum kveður hún vinkonu sína fljótfærnislega og gengur nær manninum.

Sölustúlka: Ha? Hvað segirðu?

Viðskiptavinur: Ehhh... ég spurði hvort þú ættir þessa húfu til í grænu.

Sölustúlka: Nei, hún er rauð.

Viðskiptavinur: Já, ég veit að þessi húfa er rauð, en ég var sumsé að velta því fyrir mér hvort þú ættir til samskonar húfu, bara græna á litinn.

Sölustúlka: Já, nei. Það er bara þessi. Eða þessar. Sko, þessar sem eru hérna uppi.

Viðskiptavinur: Já, já, þannig. Jæja...

Sölustúlka: Hérna... hvað viltu eiginlega?

Viðskiptavinur: (undrandi) Ehhh... Ég vildi sumsé vita hvort þú ættir græna húfu til að selja mér. Ef hún hefði verið til, þá hefði ég keypt hana.

Sölustúlka: Jaaaaá...

Sölustúlkan lítur undan, og byrjar að narta í smákökuna sína og virkar töluvert ráðvillt. Hún gengur frá manninum að búðarkassanum. Maðurinn byrjar að ganga burt frá básnum.

Sölustúlka: Hérna, þetta er mjög algengt að fólk sé að spyrja svona!

Viðskiptavinur: Ha?

Sölustúlka: Nei, þetta er mjög algengt.

Viðskiptavinur: Hvað þá?

Sölustúlka: Það er mjög algengt að fólk sé að spyrja svona allskonar, um hvort að húfan sé til í allskonar litum og svona.

Viðskiptavinur: Ehhh, já, já... Allt í lagi...

12 comments
(Sveinbjörn)

12 comments have been posted

Add Comment |

RSS Feed

[ Reply ]

Halldór Eldjárn at 27.7.2009

Hahahahah! Hash brownies!

[ Reply ]

Arnaldur at 27.7.2009

Þokkalega space-cake-uð á því...

[ Reply ]

Aðalsteinn at 27.7.2009

Gerðu það, segðu mér að þetta sé skáldskapur!

[ Reply ]

Arnaldur at 27.7.2009

Þessi samskipti áttu sér orðrétt stað í Kringlunni kl. 13.34 í dag.

[ Reply ]

Sveinbjörn at 27.7.2009

Vá, mér fannst bara pínlegt að lesa þetta...

[ Reply ]

Arnaldur at 27.7.2009

Það var ennþá pínlegra að lenda í þessu.

[ Reply ]

Sveinbjörn at 28.7.2009

Ái...

[ Reply ]

Steinn at 29.7.2009

Guð blessi vitlausar unglingsstúlkur í afgreiðslustörfum. Þetta var einstök snilli.

[ Reply ]

Grímur at 30.7.2009

Best finnst mér samt eiginlega þegar hún stappar í viðskiptavininn stálinu og fullvissar hann um að það séu margir sem spyrji svona spurninga. Dásamlegt.

[ Reply ]