26.1.2010 | Gítarkvenhetjur
Í tengslum við fyrri færslu mína um Gítarhetju-plakat, benti Þórdís réttilega á að ekki var neinum konum fyrir að fara á plakatinu. Eitthvað sem ég hafði ekki veitt neinni sérstakri eftirtekt sjálfur, en vakti mig til umhugsunar þegar hún minntist á það.
Í kjölfarið reyndi ég að telja upp einhverjar kvenkyns gítarhetjur, (með áherslu á hetjur,) sem væru eftirminnilegar, en greip hvarvetna í tómt.
Eftir þó nokkra umhugsun, detta mér eiginlega bara þrjár konur, sem hafa eitthvað með gítara að gera, í hug.
Joni Mitchell, PJ Harvey, og Aimee Mann.
Reyndar er ég ekki einu sinni viss um að ég myndi flokka þær allar sem einhverjar sérstakar gítarhetjur, en jæja, látum þær standa.
Einhverjar uppástungur?
Add Comment |
RSS Feed
Eiki at 26.1.2010 21:47
Mér dettur í hug að kvenkyns gítarhetja gæti kallast "slag-gýgur", sambland af slaggígju (gítar) og gýgi (tröllkonu).
Eiki at 27.1.2010 00:15
Já reyndar hljómar þetta eins og slagæðagúlpur.
Svo er gýgur frekar neikvætt orð miðað við hetju...
Þórdís at 27.1.2010 13:48
Hey gaman að þessu Arnaldur!
Ég tók sjálf ekki eftir því strax að það væru bara kallar á plakatinu.
En kannski er punkturinn einmitt að "gítarhetja" er skema sem er tengt við karla (þótt það séu kannski konur sem eru alveg jafn klárar á gítar, alveg jafn töff o.s.frv.).
(Arnaldur)